Fair Saturday sariak Bilbon sortu ziren 2017an, nazioartean artearen eta kulturaren bidez gizarte-eragina sortu dutela frogatu duten pertsona eta erakunde inspiratzaileen ekimenak aitortzeko.
Sari horrek nabarmentzen du ekintza-eredu berriak sustatu behar direla, hazkunde integratzaileagoa, bidezkoagoa eta iraunkorragoa lortzeko.
Sari-banaketa Bilboko Guggenheim Museoan egin izan da tradizioz, eta esparru instituzional, kultural eta sozialaren erakusle zabala da.
Sari horiek oihartzuna eta ospea lortzen ari dira berrikuntza sozialaren nazioarteko sarien belaunaldi berriaren artean.
“Fair Saturday bezalako proiektu batek gu, WOMAD, handi sentiarazten gaitu eta oker ez gaudela ikusarazten digu”
“Gizarte hobea eraikitzeko ekimen positibo berritzaileenetako bat da. Hiri bakoitzak bere Fair Saturday izan beharko luke”
“Kultura-proiektu global honek […] gizarte-eragin handia du, artea eta kultura gizartearen erdian kokatzeko”
2024ko Fair Saturday Sariak
Abhijit Vinayak Banerjee
2019ko Ekonomiaren Nobel Saria (Mumbai)
Sari honek Abhijit Banerjee-ren lan akademiko eta soziala errekonozitu nahi du. Ekonomialari ospetsua izateaz gain, Ekonomiako Nobel sariduna da (2019an*), eta garapen-ekonomian eta pobrezia globalaren aurkako borrokan egindako ekarpenengatik da ezaguna.
Abdul Latif Jameel Poverty Action Lab-en (J-PAL) sortzaileetako bat izanik, Banerjeek pobrezia egoeran dauden pertsonen bizitza hobetzera bideratutako hainbat politiken eta programen eragina ebaluatzeko ikerketa berritzaileak gidatu ditu.
Justizia sozialaren eta berdintasun ekonomikoaren defendatzaile nekaezina da, eta bere ikuspegi zorrotz eta ebidentzian oinarritutakoaren bitartez, Banerjeek mundu osoko ekonomialari, politikari eta akademikoak inspiratu ditu, politika publikoak diseinatzeko eta inplementatzeko modua eraldatuz.
*Esther Duflo eta Michael Kremeren alboan
Javier Sádaba
Filosofoa (Portugalete | Madrid)
Sari honek Javier Sádabaren ibilbide nabarmena nabarmendu nahi du, etika eta bioetika garaikidean eragin handia duen pentsalaria, alegia. Sádabak moralari, bizitzaren zentzuari eta giza balioei buruzko funtsezko gaiak aztertu eta zabaldu ditu, eta eragin nabarmena izan du bai eztabaida publikoan zein akademikoan.
Hainbat argitalpen, hitzaldi eta hedabidetan parte hartzearen ondorioz, Sádabak filosofia publiko zabalari hurbiltzea lortu du, pentsamendu kritikoaren eta gogoetatsuaren kultura sustatuz. Gai konplexuei modu ulergarrian heltzeko duen gaitasunak lagundu egin du gure gizarteko gai etiko eta moralei buruzko ulermen eta sentsibilizazio handiagoa lortzen.
Sharmeen Obaid Chinoy
Zinema-zuzendaria eta ekoizlea. (Karachi)
Sari honek Sharmeen Obaid-Chinoy zinemagile eta kazetariaren ibilbide zinematografiko eta aktibista nabarmena errekonozitu nahi du. Emakume hau giza eskubideen eta justizia sozialaren alde egindako lan ausartagatik nazioartean ezaguna da.
Bi Oscar eta sei Emmy sarirekin, Obaid-Chinoyk gai kritikoak jorratzen dituzten 24 lan baino gehiagorengatik lortu du aitorpen globala; gai horien artean genero-indarkeria edo Pakistango eta mundu osoko ohore-krimenak aurki daitezke. Horrez gain, “Star Wars” pelikula bat zuzendu duen lehen emakumea izan da.
Obaid-Chinoyk SOC Films zinema eta animazio ekoiztetxea zuzentzen du, eta haren bidez kontzientzia soziala sustatu eta aldaketa legegile eta sozial esanguratsuak eragiteko xedean dihardu.
Keishia Thorpe
Global Teacher Prize 2021.
(Washington DC)
Sari honek Keishia Thorperen ibilbide bikaina aitortu nahi du, “Global Teacher Prize 2021” munduko irakasle onenaren saria jaso baitu. Keishia Thorpek hezkuntzaren bidez bizitzak eraldatzen eman du bere ibilbidea, inklusioa eta ikasle guztientzako aukera berdintasuna sustatuz.
Ikasgelan egindako lanaren eta ekimen komunitarioen bidez, Thorpek konpromiso irmoa erakutsi du jatorri anitzeko gazteak, etorkinak eta errefuxiatuak ahalduntzeko. Zalantzarik gabe, irakaskuntzan duen ikuspegi berritzaileak ikasle askori lagundu die hizkuntza- eta kultura-oztopoak gainditzen, eta aukera eman die bere potentzial akademiko eta pertsonal handiena lortzeko.
Trésor Nzengu Mpauni
Tumaini Festival. Sortzailea (Lilongwe)
Sari honek, Trésor Nzengu Mpauni (“Menes la Plume”) poeta, rapero eta aktibista sozialak sortutako Tumaini Letu erakundearen lana aitortu nahi du.
Tumaini Jaialdia, Tumaini Letu-ren programa intsignia, 2014an sortu zen Malawiko Dzaleka errefuxiatu gunean, eta mundu mailan horrelako esparru baten barruan egiten den eskala handiko arte eta musika jaialdi bakarra da. Errefuxiatuek sortu eta zuzendutako jaialdi honek, tokiko harrera egiten duen komunitatearekin elkarlanean, sormena eta erresilientzia ospatzeaz gain, bi komunitateen arteko integrazioa eta kulturen elkar ulertzea ere sustatzen ditu.
Mpauniren gidaritzapean, itxaropenaren ikur bihurtu da Tumaini Jaialdia, eta arteak kulturen arteko zubi eta aldaketa sozialerako tresna gisa balio dezakeela erakusteko adibide.
Bernardine Evaristo
Idazlea. Booker Prize 2019.
(London)
Sari honek Bernardine Evaristo idazle txalotuaren eta literaturaren aniztasunaren defendatzailearen lan literarioa errekonozitu nahi du. Evaristok sarritan baztertuta dauden pertsona eta komunitateen istorioak arakatzen eta haiei ahotsa ematen eman du bere ibilbidea, konbentzioei aurre egin eta narratiba garaikidearen aukerak zabalduz.
Bere eleberri, poesia eta antzezlan sarituen bidez, Evaristok talentu aparta erakutsi du ikuspegi eta estilo narratibo anitz uztartzeko, lan berritzaileak zein sakonki gizatiarrak sortuz. “Girl, Woman, Other” eleberriak eragin handia izan du, Booker sari ospetsua irabaziz. Bestalde, Britainia Handiko emakume beltzen esperientzien adierazpen bizi eta multifazetikoagatik goraipatua izan da.
Salvador Sobral
Musikaria. (Lisboa)
Sari honek Salvador Sobral abeslari eta musikariaren ibilbide artistiko gailena aitortu nahi du. Musikaren bidez emozioak transmititzeko duen sentsibilitate eta trebetasun sakonagatik nazioartean ezaguna da.
2017ko Eurovisión jaialdian “Amar pelos dois” abestiaren interpretazio hunkigarriarekin arrakasta lortu eta bihotzeko gaixotasun larri bat gainditu ostean, Sobralek musika garaikidearen estandarrak birdefinitu ditu, jazz, musika klasiko eta fadoaren elementuak bere interpretazioetan nahastuz.
Eszenatokietan izan duen arrakastaz haratago, musikak pertsonak konektatzeko eta bizitzak eraldatzeko boterea duela argi erakusten du Sobralek. Bere ausardiak eta benetakotasunak eragin handiko figura bihurtu dute egungo musika panoraman, eta pertsona asko inspiratu ditu bere talentu eta erresilientziarekin.
Bilboko Koral Elkartea
(Bilbao)
Sari berezia
Sari honek Bilboko Koral Elkartearen ibilbide historikoa aitortu nahi du, 1903an sortutako erakunde ospetsua, bikaintasunarekin eta musika hezkuntzarekin etengabeko konpromisoa mantendu duena, Bilbotik, Bizkaitik, adin guztietako ikasleei kalitate handiko prestakuntza eskainiz.
Urteetan zehar, Bilboko Koral Elkarteak berebiziko garrantzia izan du euskal abesbatzen tradizioa zaindu eta sustatzeko, bai eta euskal musikaren panorama aberasten duten beste talde eta konpositore batzuekin lankidetzan aritzeko ere. Musikaren bidez herritarrak batzeko duen gaitasunak eta lurraldearen aberastasun kulturalari egiten dion ekarpenak Euskadiko erreferentziazko kultura-erakundeetako bat bihurtzen dute.
2023ko Fair Saturday Sariak
Brittany Butler
Harvard SICI. Zuzendari exekutiboa (Boston)
Harvard SICIren (“Social Innovation + Change Initiative”) lana azpimarratu nahi du sari honek. 2016an Harvard Kennedy School-en kokaturik, mundu osoko herritarrak gaitzea du helburu ekimen honek, euren testuinguruetan eman daitezkeen gizarte-aldaketei aurre egiteko gai izan daitezen.
Ikerketa zorrotzen bidez zein hezkuntza-programen bidez, SICIk norbanakoak eta taldeak ahaldundu nahi ditu, aldaketa-eragile eraginkorrak eta arrakastatsuak izan daitezen beren komunitateetan zein horietatik kanpo. Gizarte-berrikuntzan eta aldaketan interesa dutenentzat, ezagutza- eta baliabide-iturri garrantzitsu bilakatu da ekimen hau, eta, horretarako, hainbat testuingurutan premiazkoen diren gizarte-erronkei aurre egiteko orientazioa eta laguntza eskaintzen du.
Chi-chi Nwanoku CBE
Chineke! Orkestra. Fundatzailea (Londres)
Chi-Chi Nwanoku CBE-ren ibilbide artistikoa goraipatzea du helburu sari honek. Orkestra-zuzendari eta Chineke! Orkestraren sortzaile izanik, itsasargi bilakatu da musika klasikoaren industrian, eta nabarmen azaldu du erreminta boteretsua dela musika ikuspegi anitzak uztartzetik sortzen den aberastasuna gizarteratzeko.
Nazioartean, berriz, erreferente da Chineke! jatorri afrikarra edota etnia ezberdinetako musikarien talentuak eta gaitasun bereziak ordezkatzeko eta bultzatzeko garaian.
Zuzeneko interpretazioez haratago, hezkuntzarekin eta partaidetza komunitarioarekin konprometitutako erakundea ere bada Chineke!. Horretarako, hainbat programa bideratzen ditu gaurko musikari gazteen parte-hartzea sustatzera bideratuak eta belaunaldi berrien inspirazio-iturri izan nahi dutenak.
James Rhodes
Piano-jotzailea eta idazlea (Londres)
Nazioartean horren ezaguna den James Rhodes idazle eta piano-jolearen ibilbide artistikoa aldarrikatu nahi du sari honek.
Gizarteratutako zazpi albumetan eta mundu mailako eszenatoki ospetsuetan eskainitako emanaldietan liluragarri bilakatu da James Rhodes-en talentua, izan aire zabalean (Latitude edo Sonar), izan antzoki ospetsuetan (Roundhouse eta Royal Albert Hall; London). Musikaz gain, aurkezle eta idazle emankorra da, hedabide nagusienetan eta telebista- programetan kolaborazioak dituena, hala nola, BBC-n, Channel 4-n eta Sky Arts-en.
Ibilbide artistikoaz haratago, aitzindari da haurren aurkako indarkeria desagerrarazteko izandako borrokan; izan ere, hamaika lan egin zituen indarkeriaren aurrean haurrak babesteko 2021eko ekainean indarrean sartu zen legea lortzeko.
Evelyn Glennie
Percusionista Internacional (Aberdeenshire)
Evelyn Glennie-ren ibilbide artistikoa aitortu nahi du sari honek. Nazioartean ezaguna den perkusio-jole hau bakarlari gisa lanaldi osoko karrera sortu eta mantentzea lortu duen lehen pertsona izan da, eta, era horretara, mundu osoko orkestrek perkusio-kontzertuak aurkezteko bidea ireki du.
12 urterekin, Dame Evelyn Glennie-ri gorreria sakona diagnostikatu zioten, baina horrek ez dio eragotzi ibilbide musikalean distira izatea. Artista honen esanetara, publikoak gorreria gaizki ulertzen du neurri handi batean, eta gaineratzen du belarriak ez diren gorputzeko atalekin entzuten ikasi duela.
“Teach the world to listen” (Munduari entzuten irakastea) misioaren bidez, komunikazioa eta gizarte-kohesioa hobetu nahi ditu, eta entzuteko modu berriak aurkitzera animatzen du mundu osoa, inspiratzeko, sortzeko, konprometitzeko edota ahalduntzeko.
Emmanuel Jal
Artista eta gizarte-aktibista (Toronto)
Nazioarteko hip-hop abeslari, aktibista eta Hego Sudan-eko haur soldadu ohiaren ibilbide bikaina goraipatu nahi du sari honek.
Haur soldadu izatetik adiskidetzearen enbaxadore izatera pasa da, eta bizitza erresilientzia eta gainditzearen testigantza bizia bilakatzera, zazpi album aipagarrietan eta “Warchild” dokumental sarituan islaturik ageri dena. Jal-en ondareak “Gua Africa” erakundean hartzen du oinarri (2009an sortu zuen ongintzako erakundea), Hego Sudanen gerrak eta pobreziak kaltetutakoak hezi eta ahalduntzen dituen erakundean, hain zuzen. Horrela, herrialde horretako errefuxiatuak prestatu eta hezi egiten ditu, lehen mailako profesional bilaka daitezen medikuntzan, zuzenbidean edota hezkuntza arloan.
Izandako eskarmentuan eta aurrekari pertsonaletan oinarrituta, musikaren eta lan humanitarioaren bidez darama Emmanuel Jalek bake- eta gainditze-mezua.
Labayru Fundazioa
Saria jasotzen du Igone Etxebarriak. Labayru Fundazioko zuzendaria (Bilbo)
Euskaldunon hizkuntza eta kultura ikertu, normalizatu, sustatu eta zabaltzen egiten etaegindako lan aparta azpimarratu nahi du sari honek.
Euskararen erreferentziazko erakundea da Labayru Fundazioa Bizkaiko mendebaldean. Sorrera-helburuak bete nahian, erakunde honek hainbat lan-arlotan osatzen du bere lana: irakaskuntza, itzulpengintza, herri-ondarearen bilketa, euskararen erabilera normalizatzeko planak, ikas-irakaskuntzarako material didaktikoaren sorkuntza, etnografia, hiztegigintza, toponimia…
Euskal Biblioteka ezinbesteko osagarri bilakatzen da lan hori burutzeko orduan, eta bertan aurki daiteke Euskal Herria, bertako hizkuntza eta inguruko lurraldeak gai dituen bibliografia- eta dokumentu-ondare baliotsua.
Luis de Lezama
Santa María La Blanca Ikastetxea. Presidentea (Madrid)
Santa María la Blanca Ikastetxean (Montecarmelo) Luis de Lezamak hezkuntzaren eta balioen sustapenean izan duen paper garrantzitsua aitortu nahi du sari honek. Egindako lana Iruaritz Lezama Fundazioaren barruan kokatzen da. Irabazi-asmorik gabeko erakundea da, eta pertsonen prestakuntza eta garapen integrala ditu helburu nagusi, lan- zein gizarte-arloan.
Halaber, prestakuntza artistikoaren sustatzaile nekaezina da Luis de Lezama Arte Eszenikoen Institutuan (INARTES). Bikaintasunaren itsasargi bilakatzen da institutu hau arte eszenikoetan ikasleek dituzten trebetasunak aztertzeko eta hobetzeko garaian.
Hezkuntzaren ikuspegi holistiko horrek, prestakuntza artistikoa eta funtsezko balioak barne hartzen dituenak, Luis de Lezamaren ikuspegia isalatzen du: buru jantziak ez ezik, enpatian eta errespetuan hezitako gizabanakoak behar dira.
Ahmad Sarmast
Afghanistan National Institute of Music. Fundatzailea (Kabul)
Afganistango Musika Institutu Nazionalaren sortzailea den Ahmad Sarmastek lan bikaina goraipatu nahi du sari honek, nagusiki, Afganistango hezkuntza artistikoaren bidez kultura, etnia, erlijio eta genero integrazioan burututakoa.
Gazteen heziketa artistikoa ahalbidetzea helburu izanik, zenbaitetan bere bizitza arriskuan jarriz, lan nekaezina egin du 2010etik hona. Musika Institutu Nazionalaren lehen urratsetatik argi izan zituen lehentasunak: emakumeen integrazio kulturala eta egoera ahulean bizi diren pertsonak.
Eragile aparta izan zen Ahmad gizarte zibilaren eskubide artistikoak bermatzeko izandako lehian, bizitzak eraldatuz, eta kohesiorik gabeko lurralde horretan gizarte justu eta zibila lortzearren borrokatuz. 2020tik hona, buru-belarri ari da Ahmad ikasleen segurtasuna eta afganiarren eskubide kulturala bermatu nahian.
2022ko Fair Saturday Sariak
Nuccio Ordine
Idazlea eta filosofoa.
(Calabria, Italy)
Sari honek Nuccio Ordine, mundu mailan italiar saiakeragile ezagunena den irakasle, idazle eta filosofoaren ibilbide nabarmena aitortu nahi du.
Giordano Brunoren Errenazimentuaren eta pentsamenduaren garaian, artean eta literaturan aditua izateagatik ezaguna, nazioarteko kultura-panoramako pertsonarik esanguratsuenetako bat da, Jürgen Habermas edo George Steiner bezalako pentsalariekin batera. Gainera, pentsamenduaren eta literaturaren balio klasikoen defentsaren bidez, ikasketa humanistikoen arloan ekarpen ikaragarria egiten du.
Nuccio Ordinek oinarrizko ikerketa zientifikoaren eta baterako ikerketa humanistikoaren garrantzia azpimarratzen du bere lanaren bidez, baliagarritasunaren eta berehalakoaren diktadurari aurre eginez.
Laura Hassler
Musicians without Borders.
Sortzaile eta zuzendaria.
(Amsterdam)
Sari honen bidez, Musicians without Borders-ek hezkuntza artistikoaren bidez integrazio kulturalean ezberdintasunak ezabatu, komunitateak eraiki eta gerraren zauriak sendatzeko egiten duen lan bikaina aitortu nahi da.
Balkanetan, Ekialde Ertainean, Afrika Ekialdean, Erdialdeko Akademian eta Europan epe luzeko proiektuak izanik, Musicians without Borders mundu mailan gero eta ezagunagoa den musikaren bitartez aldaketa soziala bultzatzen duen arloko erakunde esanguratsuena da. Bi hamarkada luze daramatza mundu mailan gerra, gatazka eta desplazamendu sozialek kaltetutako pertsona eta komunitateekin lanean. Lan taldea musikak duen botere eraldatzailean sinesten duten zale eta profesionalek osatzen dute.
Hyung Joon Won
Lindenbaum Festival Orchestra.
Zuzendari artistikoak.
(Seoul)
Sari honek Lindenbaum Jaialdiko Orkestra saritu nahi du, Ipar Korearen eta Hego Korearen artean topaketa eta elkarrizketa sortzeko egin duen lanagatik, musika klasikoaren bidez bake eta harmonia mezua sustatuz.
Lindenbaum Jaialdiko Orkestrak, Yaleko Orkestra Sinfonikoko, Hego Koreako eta mundu osoko musikari gazteak biltzen ditu. Bi Koreen arteko mugatik hurbil sinfoniak interpretatzen dituzte, bi nazioak banatuta egon diren saiakera askoren ondoren.
Sonia Gainza
Apropa Cultura. Sortzailea.
(Barcelona)
Sari honek Apropa Culturak kulturaren bidez kalteberatasun-egoeran dauden pertsonen bizitza hobetzeko Katalunia osoko antzoki, museo, auditorio eta jaialdietako ateak ireki, eta kolektibo horiek beren ohiko programaziora sarbidea izateko egindako lana aitortu nahi du.
Apropa Cultura gizarte-bazterketako arriskuan dauden pertsonek kulturarako sarbidea izan dezaten lan egiten duten kultur programatzaileen sare sendo eta inklusiboa da. Bertako kideek erakunde publiko eta pribatuen arteko kolaborazioak bultzatuz eta kultura, gizarte, hezkuntza eta osasunaren arteko politika zeharkakoagoak eta eraginkorragoak sustatzeko beharra azpimarratzen egiten dute gogor lan.
Jake Groshong
Playing for Change Foundation. Zuzendaria.
(Santa Monica)
Sari honen bidez, Playing for Change Fundazioa nazioartean kultur arloan irabazi-asmorik gabeko erakunde garrantzitsuenetako bat dela aitortu nahi da, musika- eta arte-hezkuntzaren bidez gizarte aldaketa positiboa sortuz.
Playing For Change Fundazioa musikak gure ezberdintasunetatik haratago konektatzeko ahalmena duela pentsamendutik sortu zen. Gaur egun 16 eskola ditu 12 Herrialde desberdinetan, 3.000 ikasle baino gehiago astero. Hezkuntza- eta gizarte-programetan, hainbat erkidegoko bazterkeria-arriskuan dauden gazteak sartzen dira, batez ere diru-sarrera txikiko herrialdekoak.
Rana Dajani
We Love Reading.
Sortzailea.
(Amman)
Sari honek We Love Reading proiektua -Rana Dajanik sortuta, islamiar munduko zientzialari garrantzitsuenetako batek-, eta irakurketaren bidez mundu osoko komunitateak (gazteei eta emakumeei bereziki) inspiratzen eta ahalduntzen egiten duten lana aitortu nahi ditu.
We Love Reading tokiko boluntarioak prestatzera bideratutako mugimendu positiboa da, beren auzoetako haurrei irakur ditzaten, haien pentsamoldea bideratuz irakurketaren bitartez. 2006tik, mundu osoko 60 herrialde baino gehiagotara zabaldu dira eta 4.400 liburutegi baino gehiago sortu dituzte komunitate askotan, landa-eremuetan zein hirietan, baita errefuxiatu-guneetan ere.
Ramón Barea
Pabellón Número 6.
Zuzendari artistikoak.
(Bilbao)
Sari honek Pabellón Número 6 eszenatokiaren ibilbide artistikoa aitortu nahi du, gaur egungo gizarteek daramaten birtualtasunaren eta abiaduraren kontrapuntu gisa sortutako espazio eszeniko erreferente eta berritzailea.
Espazio eta antzerki artistiko honetan, arte eszenikoak betidanik izan diren bezala adierazten dira: zuzeneko ospakizun kolektibo gisa. Ohiko enpresa-ekoizpenetik urrun eta sortzaileen eta artisten beraien espazioaren kudeaketaren alde eginez, Pabellon Nº 6 antzerkiak, dantzak eta gorputzaren poetika gizartean ulertzeko eta hausnartzeko gaitasuna areagotzeaz gain, alaitasuna elikatzeko duten garrantzia defendatzen dute.
Joel Brown
Candoco Dance Company.
Dantzaria.
(London)
Sari honek Candoco Dantza Konpainiaren ibilbide bikaina aitortu nahi du, nazioartean erreferenteak baitira espazio inklusibo baten sorreran, non dibertsitate funtzionala ez den oztopo bat sorkuntza artistikorako.
Munduko hainbat lekutako dantzariek osatzen dute konpainia, eta, talde-lanaren bidez, dantza izan daitekeenaren eta nork egin dezakeenaren pertzepzioa zabaltzen du. Korronte nagusia eta esperimentala uztartuz eta emanaldi bereizgarriak sortuz, Candoco Dantza Konpainiak artea ikusteko, izateko eta egiteko modu desberdinak ospatzen ditu, dantzaren eta desgaitasunaren inguruko elkarrizketaren abangoardian kokatuz.
Garabide Elkartea
Sari berezia Hizkuntzen Europako Egunagatik.
(Aretxabaleta)
Sari honek Garabide Elkarteak euskararen esperientziatik abiatuta hizkuntza gutxituen hizkuntza biziberritzeko prozesuak bultzatuz egiten duen lan bikaina saritu nahi du.
Elkartearen ikuspegitik, hizkuntzaren eta kulturaren biziberritze prozesua jasangarritasunaren, giza eskubideen, genero-berdintasunaren eta ekitatearen aldeko eraldaketa mugimenduetan nahitaezko oinarria da.
2021ko Fair Saturday Sariak
Karim Wasfi
Iraqi National Symphony Orchestra I Peace Through Arts Inc.
Sari honek Karim Wasfi orkestra zuzendari eta biolontxelo jotzaile irakiarraren lana aitortzen du, Iraken “lider humanista berriak” garatzeko
eta birsorkuntza soziala bultzatzeko musika erabiltzeari dagokionez.
Kultura-diplomazian bi hamarkada baino gehiagoko esperientzia du, eta Karim erreferentea da musika sendatzeko, kulturen arteko integraziorako, erradikalizaziorako, tentsioen prebentziorako eta indarkeriaren eta
terrorismoaren aurkako borrokarako tresna gisa erabiltzeko. Gaur egun, Irakeko Orkestra Sinfonikoa zuzentzen du eta Peace Through Arts
fundazioaren sortzailea da.
Ahmad Sarmast
Founder and Director of Afghanistan ́s National Music School
Sari honek Afganistango Musika Institutu Nazionalaren sortzailea den Ahmad Sarmastek Afghanistanen hezkuntza artistikoaren bidez kultura, etnia, erlijioa eta genero integrazioan egindako lan bikaina saritu nahi du.
2010. urteaz geroztik, lan nekaezina egin du – Baita bere bizitza arriskuan jarriz ere – Bere herrialdeko gazteen heziketa artistikoa ahalbidetzeko. Musikaren Institutu Nazionalaren lehen urratsetatik, argi izan zuen lehentasuna zuela emakumeen eta egoera ahulenean zeuden pertsonen integrazio kulturalaren inguruan. Ahmadek modu erabakigarrian lagundu
zuen gizarte zibilaren eskubide artistikoak bermatzen, bizitzak eraldatuz eta gizarte justu bat ezartzen barne-hausturan zegoen herrialde batean.
Abuztuaz geroztik, Ahmad buru-belarri ari da ikasleen segurtasuna bermatzen eta Afganistango herritarren eskubide kulturalen alde borrokatzen.
International Society for Performing Arts
David Baile
CEO International Society for performing Arts (ISPA)
Sari honek ISPA (International Society for the Performing Arts) saritu nahi du, kulturaren bidez nazioartean topaketa eta elkarrizketa sortzeko egin
duen lan garrantzitsuagatik, nazioartean 185 hiritan baino gehiagotan presentzia duten 500 erreferente kultural eta arte eszeniko baino
gehiagoko munduko sare baten buru izanik.
1949an sortu zenetik, ISPAk funtsezko lana egiten du arte eszenikoetako agente nabarmenen arteko lankidetza, kooperazio eta elkarketaren eragile gisa, eta lurraldeen eta pertsonen arteko zubiak eta loturak sortzea sustatzen du.
Henry Timms
Founder of Giving Tuesday and President of Linconln Center Society for Perfroming Arts
Sari honek Henry Timmsek bere ibilbidean zehar izan duen inspirazio-gaitasun nabarmena aitortu nahi du, bereziki Giving Tuesday mugimenduaren sortzaile gisa eta Lincoln Center for the Performing Arts erakundeko presidente gisa egin duen lanagatik.
Henry nazioarteko lider nabarmenetako bat da, enpatia sozial handiagoan oinarritutako gizarte hobeak sortzeko ekimenak abian jartzeko duen
ikuspegi eta gaitasunagatik – Batez ere 92nd Street eta Giving Tuesday-. Zalantzarik gabe, lider humanista gisa egindako lana nabarmentzen
da, etorkizunak tokiko eremuetatik baina ikuspegi globaletik irudikatuz, munduko beste pertsona eta erakunde batzuk inspiratuz eta mundu osoan
zehar komunitateak lotuz. 2014an, gizarte erakundeen munduko urteko pertsonarik eraginkorrena izendatu zuten.
Humanity at Music
Iñigo Albizuri
Creator of Humanity at Music project I Global Public Affers of Mondragon Corporation
Sari honek MCC saritu nahi du “Humanity at music” proiektuagatik -baita Iñigo Albizuri- Mondragon Korporazio Kooperatiboaren 52. urteurrenaren ospakizunean izan duen berrikuntza-gaitasunagatik eta gizartean izan duen eraginagatik.
“Humanity at Music” lankidetza-proiektu artistiko berritzailea da, eta MCCren esperientzia kooperatiboa kontatzen du hainbat diziplina
artistikoren inguruan. Zalantzarik gabe, berrikuntza kultural eta sozialaren
adibide berrienetako eta onenetako bat da enpresa-munduan. “Humanity at music” kasu erreal bat da, non musikaren, dantzaren edo poesiaren inguruan enpresa-kolektibo baten barruan loturak sortzeko gaitasuna erakusten den. Opera moderno honek -Fernando Velázquezek konposatua- lankidetzaren, erantzukizunaren edo ondasun komunaren balioak nabarmentzen ditu MCC taldeko kooperatibetan.
Moving Artists Project
Ixone Sádaba
Founder of Moving Artists Project
Ixone Sádabak sortutako Moving Artists proiektuak gatazka guneetan artistak babesten egindako lana saritu nahi du sari honek.
2017an “Moving Artists” sortu zenetik, ideia nagusi batekin lan egiten du: gatazka- edo krisi-egoeretan, praktika artistiko garaikidea babestu behar dugun desagertzeko arriskuan dagoen ondare immateriala da. Ordutik aurrera, “Moving Artists” ek artisten mugikortasuna errazteko lan egiten du, kultura-babesleku diren eremuetatik eta eremuetara, krisi-garaian sorkuntza, zubien eraikuntza eta etorkizuneko agertokien marrazketa sustatuz.
“Moving Artists” proiektu aitzindaria da, eta gatazkan dauden lekuetako monumentuak eta artelanak babesteaz harago doa. Bere ikuspegiaren
bidez, kulturatik abiatuta aldaketa positiboak sortzeko gai diren pertsonak babestu eta lagundu nahi ditu.
Fair Saturday 2019 sariak
West-Eastern Divan Orchestra
Sari honek Daniel Barenboim Fundazioa eta West Eastern Divan Orchestra aintzatesten ditu, nazioartean inspirazioa eta erreferentzia delako musika gatazka-egoeretan inpaktu sozial positiboa sortzen duen tresnatzat erabiltzeari buruz; desberdinen arteko tolerantzia, onarpena eta ulermena sustatzeko bide gisa jokatzen duelako. Bere lorpenengatik, oztopoak hautsiz eta musikaren bidez herri israeldarren eta palestinarren arteko elkarrizketa ezarriz.
Artscape Theatre Centre
Marlene le Rouxek giza eskubideen aldeko ekintzaile eta buruzagi sozial gisa Lurmutur Hirian gutxiengo eta talde ahulen eskubideen alde erakutsitako ausardia eta ausardia aitortzen ditu sari honek. Adibidez, Artscape Theatre Centre-n kulturaren bidez gizarte-justizia bultzatuz, gizarteratzearen eta jabekuntza zibilaren arloan erreferente bihurtuz, Lurmutur Hiriko biztanleen kulturarako sarbidea erraztuz, bereziki bazterketa-arriskuan dauden taldeak.
Ingoma Nshya, Woman Cultural Centre
Ingoma Nshya Ruandako emakume perkusionisten lehen taldea da. Katalizatzaile gisa aritzen da Ruandaren garapenean emakumeen parte-hartzea areagotzeko, eta baikortasunaren eta itxaropenaren ikur indartsu bihurtu da genozidioaren 25. urteurrenean. Ingoma Nshyaren ekimenak eragin oso positiboa du bere ingurunean, emakumeek komunitatean duten rolaren pertzepzioa aldatzen du eta perkusioaren bidez ahalduntzea sustatzen du.
Festival 16km. Voces Fundazioa
Sari honek Voces Fundazioaren adibidea aintzatetsi nahi du, “16 kms” proiektuarekin, ijito etniako gazteak La Cañada Realen gizarteratzen egindako lanagatik, eta ikus-entzunezko sorkuntzaren bidez prestakuntza eta garapen profesionalerako aukera berriak zabaldu nahi ditu. Estereotipo kaltegarriak hausteagatik, herritarren autoestimua eta harrotasuna handitzeagatik eta gazteak arriskuzko jokabideetatik aldentzeagatik.
Musical Bridges around the World
Musical Bridges around the World Texasko aniztasunaren erakunde sustatzaile nagusietako bat bihurtu da. Sari honek azken urteotan etengabe egin duen lana aintzatesten du, bere printzipioei irmo eutsiz, bereziki nazioarteko ezegonkortasuneko uneetan. Musika eremu irisgarri bihurtzeko egindako lanagatik, horren bidez kultura-aniztasuna sustatuz etorkizuneko garapen sozial eta ekonomikorako beharrezko ezaugarri gisa.
Cine Invisible International Festival
Sari honek Zinema Ikusezina Nazioarteko Jaialdiaren adibidea saritzen du. Zinemaldia gizarte-aldaketa sortzeko, aniztasuna sustatzeko, hausnarketa pizteko, kultura-aniztasunari buruz kontzientziatzeko, aukera-berdintasunaren alde borrokatzeko eta gazteen gizarte-konpromisoa lortzeko tresna gisa erabiltzen du. Hainbat gizarte-gairi buruzko filmak sustatzen egindako lan bikainagatik, ikus-entzunezko sorkuntzari eta justizia sozialari buruzko nazioarteko topaketa bat sortuz.
Lita Cabellut, Fair Saturday Ad Honorem Award
Bere bizitzako adibideagatik, bere indar artistiko eta pertsonalagatik, bere lanek transmititzen duten sentsibilitate humanistagatik. Sari honek, bere ibilbide bikainaz gain, gizakiarekiko duen konpromisoa aitortu nahi du, bere lanetan “gizarteaz ahaztutakoak” oso kontuan hartuta. Oraindik ametsak dituzten eta zailtasunak dituzten pertsona askorentzat inspirazio-motorra delako. Eta mundu osoko ehunka artista eta kultur elkarterentzat. Besteak beste, Fair Saturday.
2018ko Fair Saturday sariak
Sleep in the Park
Social Bite enpresaren proiektu nagusietako bat da, eta helburua da etxerik gabe geratzea, kaltetutako pertsonei etxea, baliabideak eta lana eskuratzen laguntzeko. Gau horretan, milaka pertsona lotan egoten dira lozaku baten babespean, arazo horren inguruko kontzientzia soziala eragiteko eta borrokatzen jarraitzeko dirua sortzeko.
Peruko sinfonia
Arriskuan bizi diren gazteen prestakuntza musikala bultzatzen du. 21 gune ditu eta 7.000 onuradun. Bere prestakuntza sistemak berebiziko eragina izan du herrialdeko milaka gazteren autoestimuan, sormenean, identitatean eta anbizioan. Gaur egun, musikak komunitate osoak nola alda ditzakeen aztertzen ari da nazioartean.
BEMIS Scotland
BEMIS erakundeak gutxiengo etnikoetako erakundeak, komunitateak eta norbanakoak biltzen eta babesten ditu, hirugarren sektore eskoziarreko erakundeak eta haien aldeko komunitateak. BEMISek ikuspegi berritzailea aurkezten du gizarteratzearen arloan. Integrazioa lantzeko modu berri bat, herrialde bateko kulturen arteko desberdintasunak, identitateak eta banakotasunak ezagutu eta baloratuz.
Nalaga’at Center
Nalaga’at Center Israelgo kultura-zentro berritzaileenetako bat da. Itsuen, gorren eta publiko orokorraren topagunea sortu nahi duen kultura-zentroa da. Horrela, mezu bat kultura-mundura zabaltzen saiatuz gero, sarbide unibertsala izan behar du, eta horretarako aukera bermatu behar da, gaitasun pertsonalak edozein direla ere, berdintasun-mailan, giro berriak, integratzaileagoak eta garatuagoak sortuz.
WOMAD Festival
Kultura-aniztasunean eta musika etniko eta herrikoian oinarritutako eskala handiko lehen jaialdietako bat izan zen. Gainera, WOMADen filosofiari esker, artista asko nazioartean ezagutarazi ahal izan dira. Kontzeptu horrek, musika mota guztiekiko zaletasunean oinarrituta, izaera nabarmena du aniztasunaren alde. Saria Peter Gabrielek jaialdiaren kontzeptu berri bat sortzearen alde egindako apustua da, munduko kulturen aberastasuna sustatzeko, musika-estilo berriak ikusteko eta aniztasuna eta kultura-aniztasuna bultzatzeko.
British Paraorchestra
Ezgaitasunak dituzten musikari profesionalen munduko lehen orkestra. Bristol hirian sortu zen 2012an, eta Londresko joko paraolinpikoak ixtea lortu zuten jaurtiketa-urtean eta Glastonburyko jaialdian 2016. urtean. Sariak Paraorchestra & Friends-en eta haren musika-taldeen lan bikaina aitortu nahi du, musika berritzailea eta kalitate handikoa eskaintzen baitute, izaera sozial eta integratzailearekin konbinatuta. Musikari hauei ezarri zaizkien mugekin amaitzeko etengabeko lanagatik, ez muga fisikoengatik, baizik eta aukera faltagatik.
Fair Saturday-ren artista fundatzaileak
Saria Fair Saturday 2014n lehen aldiz parte hartu zuten 22 abesbatzek eta 3 bakarlariek jaso dute. Azaroaren 29an parte hartu zuten, 20:15ean, eta ekitaldi bakoitzean gizarte-proiektu bati lagundu zioten. Saio pilotu horretan, guztiek erakutsi zuten zoramen txiki hori egia bihur zitekeela.’ Eskertzen dugu, beraz, Fair Saturdayeta Fair Saturdayren hazkundearekin duen lotura.
Richard Demarco, Fair Saturday Ad Honorem Award
Ikusizko arteen eta arte eszenikoen sustatzaile ezaguna. Urteetan zehar, “Richard Demarco Gallery” galeriak Ekialdeko Europarekiko kultura-loturak sustatu zituen, arte garaikideko erakusketa poloniarrak antolatuz, eta artista eskoziarren eta Europako gainerakoen arteko lotura sustatzeaz arduratu zen. Demarco arte eskoziarraren nazioarteko sustatzaile nagusietako bat izan da, eta artea eta kultura denen eskura jartzeko lan egin du, jatorria edozein dela ere.
2017ko Fair Saturday Sariak
Edinburgh International Festival
1947an bigarren mundu-gerraren ondoren sortutako espirituaren alde, kulturaren alde eginez garapenaren eragile gisa. Eta Edinburgoko hiria hainbat nazionalitatetako pertsonen urteko topaleku bihurtzeagatik, gizartearen mobilizazio masiboa lortuz artearen eta kulturaren inguruan, 70 edizioetan nazioarteko eredu bihurtu dena, Eskoziako sustraiak galdu gabe.
Yehudi Menuhin Foundation
Por su labor pionera de inclusión social y cultural de niños y niñas desfavorecidos, desde el arte como herramienta de cohesión social, fomentando la convivencia y la tolerancia, y defendiendo los derechos de las minoría culturales. Siguiendo en todo momento el mandato de su fundador Yehudi Menuhin “Es por luchar contra las injusticias que he visto a lo largo de mi vida por lo que creo una Fundación que lleva mi nombre”.
Batuta Fundazio Nazionala
Kultura eta hezkuntza gizartea eraldatzeko tresna gisa erabiliz adiskidetzeko eta bizikidetzarako espazioak sortzen egindako lan handiagatik. Milaka haur eta gazteren bizitza musikaren bidez eraldatzeagatik. Eta musika bera adiskidetze-prozesuan eta Kolonbiarentzat etorkizun itxaropentsua eraikitzean kulunka bihurtzeko.
La Tarumba
Peruko zirku-konpainia garrantzitsuena eta herrialdeko kultur erakunde independente arrakastatsuenetako bat dira. 2006. urteaz geroztik, “Zirkuluaren Jaialdia, Munduko Artea” sustatu eta ekoizten dute. Horren helburua da kultura garatzea eta arteak gizartea eraldatzeko duen ahalmena zabaltzea. Peruko zirkuaren lehen lanbide eskolan etengabe egiten duen prestakuntzagatik eta bazterketa-arriskuan dauden gazteak barne hartzeko egiten duen apustuagatik, gizarte baten garapen inklusibo eta demokratikorako prozesuetan kultura funtsezkoa dela frogatuz.
D. Antonio Garrigues Walker, Fair Saturday Ad Honorem Award
Kulturaren munduari laguntzen etengabe egiten duen lanagatik, batez ere antzerkiaren arloan; demokrazia duintzeko, benetako aberastasuna sortzeko eta giza etorkizuna lortzeko bide bakarra kultura dela adieraziz. Horrez gain, Fair Saturday-ren sorreratik ezinezkoa den ideiaren alde egiten du, bai eta une oro erakutsitako eskuzabaltasunaren alde ere, hazkundearekin eta etengabeko laguntza eskainiz.